xronikalıq

Qaraqalpaqsha (kaa)

Morfologiyalıq hám sintaksislik qásiyetleri

kelbetlik, xro-ni-ka-lıq

Leksikalıq mánileri

Uzaq dawam etetuǵın, mudamı, dawamlı. • 1978-jılı muǵallimlerdiń pútkil awqamlıq sezdine delegat bolıp qatnasıp, bul boyınsha sol jılı Ózbekstan xújjetli xronikalıq kinostudiyasınıń Qaraqalpaqstan filialı tárepinen «Muǵallim» atlı qısqa metrajlı film túsirildi («EQ» g.). Xronikalıq kesellik— mudamı dawam etetuǵın awırıw, kesellik. • Xronikalıq kesellikleri bar nawqaslar (ókpe kesellikleri, bronx astması, xronikalıq bronxit, júrek-qan tamırları kesellikleri, qantlı diabet h.t.b.) («EQ» g.). Xronikalıq tártip— waqıyalar hám maǵlıwmatlardıń izbe-iz, táripli túrde beriliwi, ornalastırılıwı. Ádette, saylandı shıǵarmalar toplamları shayır, jazıwshılardıń yubileylerine baylanıslı shıǵarıladı hám onda shıǵarmalar xronikalıq tártipte jaylastırıladı.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.