xalıq

Qaraqalpaqsha (kaa)

Morfologiyalıq hám sintaksislik qásiyetleri

atlıq, xa-lıq

Leksikalıq mánileri

1. Belgili bir eldi, mámleketti mákanlawshı adamlar. • Teńizde aw salsa da hárgiz balıq joq, Bizdi asırar shadıqurram xalıq joq (Kúnxoja).
2. Millet. • Ullı rus xalqın súygen inilik júrek penen, Súyemen rus qosıǵı, mádatkar liram meniń (I. Yusupov). {mısalı|Qaraqalpaq xalqında, Sárdarı degen urıwında, ... («Qoblan»).}} {mısalı|Belgili bir kásiptiń adamları, qáwimi. Diyqan xalqı haq niyetli kisidur, Tamǵan teri tirishilikke dáneker (I. Yusupov).}} • Shopan xalqı — shınıqqan shól perzenti (I. Yusupov).
3. Jurt, kópshilik, xalayıq, alaman, jıynalǵan topar. Xalıq qatarı kún keshirip, ákesi Jumamurattıń barı-joǵın bildirmewdi oyladı (T.Qayıpbergenov).
4. (sóylew tili) Adam, kisi, insan. Xalıqaralıq awhal — mámleketlerdiń sırtqı siyasatı, qatnası, jaǵdayları.

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.