sabaq I

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-baq

Leksikalıq mánileri

1. Sabaq, shınıǵıw, bilim, pán, bir pándi oqıtıwǵa arnalǵan oqıw waqtı. • Bir kúni túngi waqıt Reyipnazar sabaǵın tayarlap boldı da kátke shıǵıp jatıp qaldı (Ó. Xojaniyazov). • Áwele eń qıyınıraq sabaq arifmetikadan másele shıǵardı (Ó. Ayjanov). • Taza sabaq ótip, sonı birazga deyin túsindirdi (T. Qayıpbergenov). • Bizde «aktyordıń tapqırlıǵı» degen sabaq bolatuǵın edi (M. Nızanov). 2. awıs. Úlgi, ibrat bolatuǵın, turmıs tájiriybesin asıratuǵın is, háreket, waqıya, qubılıs. • Bul nárse sońǵılıqta ózińizge úlken sabaq boladı (A. Bekimbetov). • — Aydos badam, keshirim sora, atanıń qáteligi ulǵa sabaq boladı (T. Qayıpbergenov). • Ótken bir ómir sabaǵın esine túsire almay turǵan kisidey bir noqattan kózin jazbay turdı (K. Sultanov). • Ashshı sabaqtan tájiriybe arttırǵan nókerler bunnan keyin ózgeniń tawıǵın, máyegin alıwǵa tartınatuǵın boldı (K. Kárimov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.