lal II

Qaraqalpaqsha (kaa)

Morfologiyalıq hám sintaksislik qásiyetleri

atlıq, lal

Leksikalıq mánileri

♦ Lal bolıw – 1) Hálsiz bolıw, kúshsiz bolıw, ǵayratsız qalıw, dimarsız bolıw, qarıwsız bolıw. • Qartayǵanda aqılım meniń boldı lal, Kewlińde bar ma edi, ǵarrım, qıylı-qal («Alpamıs» dástanı). 2) Oylanıp qalıw, hayran bolıw, toqtap qalıw.• ...tilden qalǵanday lal bolıp, turǵan jerinde sileyip qattı da qaldı (A. Bekimbetov). 3) Qorqıp sóylemey qalıw, qorqıw, húreyi ushıw, úndemew, talıp qalıw. • Qaraqalpaq qızı – batır ayjamal, Aybatıńnan qorqıp jawlar bolsın lal (J. Aymurzaev). • Xızmetin ayasa kim tuwǵan elden, Xalıq aldında júyrik tili lal bolar (I. Yusupov). Lal bolıp qalıw – únsiz bolıp qalıw, jansız bolıp qalıw, sárriyip qalıw. • Degende qız lal bolıp qaldı, Kisesine qolın saldı (Sh. Artıq).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.