iliw IV

Qaraqalpaqsha (kaa)

Morfologiyalıq hám sintaksislik qásiyetleri

feyil, i-liw

Leksikalıq mánileri

awıs. Kiyiw, jamılıw. • Kiyimdi ústine iliwdi de umıtıp qapıǵa qaray umtıldı (Q. Smamutov). • Bekbiyke ekinshi mártebe kóylegin kórsetti, — ústime ilip alarday qalǵanı házir tek usı ǵana (Ó. Ayjanov). ♦ Qulaqqa iliw – tıńlaw, esitiw. • Qulaǵına ilmeydi, jaman násiyat aytpa («Máspatsha»). Zeyni iliw – túsiniw, biliw. • Ashıqlıqtı zeyni ildi, Ser saldı qıyır qıyaǵa («Máspatsha»). Kózge iliw – esapqa alıw, ser salıw. • Malı joq dep maǵan qızın bermeydi, Pulıń joq dep jeńgem kózge ilmeydi (Berdaq). Ókshesi iliw – kúsh alıw, bir nársege súyenip, uslap turıw. • Ókshesi iler jer tappay qarmalaǵan Qosıbay qızdıń qunın dawlasıp edi (K. Sultanov). Ilip sóylew – qaǵıtıw, astarlap aytıw. • Kórgen jerde ilip sóz aytatuǵın boldı (A.Begimov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.