iliniw

Qaraqalpaqsha (kaa)

Morfologiyalıq hám sintaksislik qásiyetleri

feyil, i-li-niw

Leksikalıq mánileri

1. Uslanıw, túsiw, tutılıw. • Aǵa, awǵa ilingenin ilingendey alıp kelip ózine tapsırıp turdım, — dedi kúyinip sóylegen Sherip (Q. Irmanov). • Aysız qarańǵı túnde dalaǵa shıǵıp baratırǵanda qolına bir bel ilindi (Q. Ayımbetov).
2. Túsiw, kóriniw. • Aq jigit-aw, qarshaday shaǵıńnan kózge túsip, awızǵa iline bermeseń-o, bawırım. (K. Sultanov).
3. Ótiw, alınıw, esaplanıw. • Masqarapaz hesh waqıtta ilinbes sanǵa, Ol ardana boldı Abdiramanǵa (I. Yusupov). ♦ Kóz iliniw — uyqılaw, azıkem múlgiw. • Tań saz berip kiyatırǵanda ǵana zorǵa kózi ilindi (Q. Irmanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.