ejelew

Qaraqalpaqsha (kaa)

Morfologiyalıq hám sintaksislik qásiyetleri

feyil,e-je-lew

Leksikalıq mánileri

1. Sózdi tallap, xáripke, buwınǵa bólip oqıw. • Úsh,tórt ayday beri bir kitaptı ejeleymiz de júremiz (K.Sultanov). 2. Tákirarlaw, qaytalaw, mıjıw, eziw. - Sóytip júrgen joq pa? — dep Sayıp taǵı ejelep soradı (T.Qayıpbergenov). Múshirip Qosıbaydıń bul ejelegen tóreligin jaqtırmay, qarsı daw aylı (K.Sultanov).
2.Ejesinen shıǵıw - háriplep, buwınlap oqıwdan shıǵıw, tamamlaw,tawısıw, pitiw. • «Áptúyektiń» ejesinen shıǵıp, súresine túse almay, Tilegenniń júykesi qurıdı (Q.Ayımbetov).
3.Ejesine túsiw — buwınlap, háriplep oqıwǵa túsiw. • Ol bergenin besaltı kúnniń ishinde yadlap alıp, aradan jeti-segiz kún ótken soń onıń ejesine tústi (A.Begimov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.