Taraw II

Qaraqalpaqsha (kaa)

Morfologiyalıq hám sintaksislik qásiyetleri

Feyil, ta-raw

Leksikalıq mánileri

1. Shash, saqal, murt hám sol sıyaqlı zatlardı taraq penen jazıp bóliw, tártipke salıw, tútiw. • Batır tuwǵan Xasen xan, Tulpardıń jalın taraydı («Er Ziywar»).
2. Ján-jaqqa ketiw, daǵıw, tarap ketiw. • Kanikul baslanǵan soń oqıwshılar úyli-úyine tarap ketti.
3. En jayıw, keńnen orın alıw. • Marksizm, Leninizm klassikleriniń shıǵarmaları qaraqalpaq miynetkeshleri arasına keńnen tarap atır.
4. Xabarlanıw, esitiliw, belgili bolıw.•  Bul xabar kózdi ashıp jumǵansha «Alǵabas»qa tarap ketti (Ó. Ayjanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.