Nasıbay

Atlıq

Temekiniń maydalanǵan untaǵı menen seksewil yamasa jıńǵıldıń kúlin aralastırıp,ústine suw tamızıp araltırıp, uwalap islenetuǵın násheniń túri. Qáne, tatıwlasıp nasıbay atısıp alıń (K. Sultanov). ♦ Nasıbay shaqsha — ishine nasıbay salıw ushın qańıltırdan, mıstan, aǵashtan, qabaqtan hám basqada nárselerden islengen arnawlı ıdıs. Nasıbay tostaǵan — nasıbaydı uwqalaytuǵın arnawlı ıdıs. Nasıbay uwqalaw — temeki menen kúldi aralastırıp nasıbay tayarlaw. Nasıbay atıw — nasıbaydı tildiń astına salıw. Bir atım nasıbay — tildiń astına bir ǵana ret salıwǵa bolatuǵın nasıbay.