Násiyat

Atlıq

Aqıl, keńes, másláhát. Qáne, Sultan, ádep sen-aq ayt, soń sózdi Jiyemuratqa beremiz, — dep kapitan ornınan turıp, eki pionerdiń qasına kelip, olarǵa násiyat berdi (A. Bekimbetov). ♦ Násiyat aytıw — keńes beriw, aqıl beriw, másláhát beriw, násiyatlaw. Násiyat aytıp sen maǵan, Qızlı awılǵa bar deyseń, Aralap júrip birewin, Ishinen saylap al deyseń (A. Dabılov). Násiyat júrgiziw — úgit-násiyat alıp barıw. Sóytip bular hár awılǵa barıp, astırtın násiyat júrgizdi (Q. Irmanov).