Iyt

Qaraqalpaqsha (kaa)

Morfologiyalıq hám sintaksislik qásiyetleri

atlıq, iyt

Leksikalıq mánileri

Jırtqıshlar toparınan esaplanatuǵın úy haywanı. • Anda-sanda shabalanıp úrgen iytlerdiń sesi keledi (Ó. Xojaniyazov). ♦ Iyt jegi — awırıwdıń bir túri. • Qırq birinshi jıl edi, Watan ústin qapladı bult, Kún batıstan qanlar shashıp, Uwlar shashtı iyt jegi qurt (J. Aymurzaev). Iyt jırtqanday — júdá tınıshsızlanıw, qapa bolıw, qıynalıw. • Bunı kórgende, Nurımbettiń ishi iyt jırtqanday boldı (Ó. Ayjanov). Iyt janlı — ólermen, sharshamaytuǵın, boldırmaytuǵın, harımaytuǵın. Iyt tiyiw — din. Birewdiń kózi ótiw, awırıw.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.