Eriniw

Qaraqalpaqsha (kaa)

Morfologiyalıq hám sintaksislik qásiyetleri

feyil, e-ri-niw

Leksikalıq mánileri

Jalqawlanıw, qosjaqpaw, jalıǵıw, zeriǵiw. • ...asarına erinip, nar tekedey kerilip, yarına shınnan berilip,... («Máspatsha»). Ermekbay eriner bárha, Júrek bawırın ezer bárha (Ótesh). Erinip barıp trubkanı aldı, Sóylep ketti ádetinshe bayaǵı (B.Ismaylov). Há doslarım, doslarım, ele de bolsa erinbeń («Qırq qız»). Kóp qıdır badam erinbe, Kóringen qızǵa berilme (A.Dabılov).
Erinbey háreket etiw — jalıqpaw, zerikpew, jalqaw bolmaw, jalqawlanbaw. • Waqıyalar ústinde tınbay, erinbey háreket ete bersek, aqırı bir nátiyjege erisemiz (A. Bekimbetov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.