Egiz

Qaraqalpaqsha (kaa)

Morfologiyalıq hám sintaksislik qásiyetleri

atlıq, e-giz

Leksikalıq mánileri

1. Adam balasınıń yamasa janlı-jániwarlardıń birden artıq bala tuwıwı. • Egiztapqan qoylarday, Kishi peyil bol tawıq (G. Esemuratov). Bir anadan tuwsań egiz, Bir-birińe bolma tebiz (Ótesh). Meńeshjan, baqqan malıń semiz bolsın, Baxıtlı bol, tolǵanǵanıń egiz bolsın (Ájiniyaz).
2. awıs. Bir-birinen bólip alıwǵa bolmaytuǵın, bir-birine tıǵız baylanıslı nárse. ... • aqıl menen miynet bular ekewi egiz dep kórsetilgen partiya programmasında («Qızıl Qaraqalpaqstan» gazetası). ♦ Egiz tuwıw — bir baladan artıq tuwıw. Qutlı qonaq qonsa úyińe, Qoyıń egiz tuwar, qutsız qonaq qonsa úyińe, qoyıńa qasqır shabar («Qq. x. n.»). Egiz qozıday — júdá tatıw, ayırılmas dos, qatar, qurdas. Men sol kúni túnde Miyirxan menen ushırasıp, ekewimiz egiz qozıday bir-birimizge tıǵılıstıq (Ó. Xojaniyazov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.