ıza
Qaraqalpaqsha (kaa)
[redaktorlaw]
Qaraqalpaqsha (kaa)Morfologiyalıq hám sintaksislik qásiyetleri
[redaktorlaw]atlıq, ı-za
Leksikalıq mánileri
[redaktorlaw]
1. Qorlıq, japa, jábir, azap. • Jámiyla jaydıń múyeshine qarap aylandı da, denesin qısqan ızaǵa shıday al may jılap jiberdi (Ó. Ayjanov). • Álle kimnen ıza kórgenge usaydı (K. Sultanov).
2. Ashıw, kek. • Múshiripke degen ıza shoǵı taǵı tutanıp, taǵı jalın bolıp, taǵı órtey basladı (K. Sultanov). • Hayaldıń sózi Ájiniyazdıń arına tiyip, ızasın qozdırdı (K. Sultanov).
Iza jew — ızası keliw, qorlıǵı keliw. • — Sonnan berli bir xabar ala almay júrgenime ıza jeymen, joldaslar dedi (A. Dabılov).
Iza-qayǵı — qorlıq, azap. • Qıyınshılıqqa muńaymaǵan, ıza-qayǵıǵa qayıspaǵan batır tuqımınıń mártliginen be ya tábiyat ayrıqsha soqtı ma, «júdep boldırǵan shıǵar!» dep, barǵan adamlar Ernazardıń turqın hám ajarın kórip bir-birine qarastı (K. Sultanov).
Izayı muhmin — músápir, jetim-jesirdiń ızası.• — Yoq «ızayı muhmin haram» — dep Esbergen ornınan turdı (K. Sultanov).
Iza qılıw - qapalanıw, qıynalıw.
Derekler
[redaktorlaw]- QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.