ım

Qaraqalpaqsha (kaa)

Morfologiyalıq hám sintaksislik qásiyetleri

atlıq, ım

Leksikalıq mánileri

Háreket penen túsindiriw, qılıq, qılwa. • Balasınıń ımına túsingen Gúlim búgin kóbirek sharshaǵanın, onıń ústine búgingi normasınan erteńge awısıp qalǵanın ayttı (T. Qayıpbergenov). • Maydanǵa shıqqan soń Qálmen sheti awılǵa aralas kirgen atlılardı kórdi de, Ájiniyazdı ımlap qoraǵa shaqırdı (K. Sultanov). • Im menen shıǵıp ketiwin ótindim (M. Nızanov). Im qaǵıw — belgi beriw, ımlaw. • Tabaq alınıp, qol juwılǵan soń, Tawnazar báybishesine ım qaqtı (N. Bórekeshov). Im-jımı bir bolıw — kelisimli, sırlas. • Bular úshewiniń ım-jımınıń bir bolǵanı elesledi (Á. Shamuratov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.