ılaq

Qaraqalpaqsha (kaa)

Morfologiyalıq hám sintaksislik qásiyetleri

atlıq, ı-laq

Leksikalıq mánileri

Eshkiniń bir jasqa tolmaǵan tóli, balası. • Bir kúni úyine kelse, baylanǵan kók ılaqtıń birewi ólipti (A. Dabılov). • Atı ılaq demeseń, serke bolıptur (K. Sultanov). Ilaq oyın — at ústinde júrip bawızlanǵan kishkene ılaqtı tartıp oynaytuǵın xalıqtıń milliy oyınınıń túri. • Qırıq qızı menen otawda, Tartıp ılaq oynaydı («Qırıq qız»). • Ayparsha keselinen ayıǵıp, maydanǵa shıǵıp tursa, qalmaqtıń jas jigitleri shoq-shoq, top-top ılaq oynap júrgenin kórdi («Máspatsha»). Ilaq tabısıw, ılaq shabıw — ılaq oynaw. • Bes-altı kúnnen beri, ılaq shabısqan bolıstıń, Gil jer me nl eri yaranlar (Berdaq). • Ilaq shabıwǵa barǵanda on eshki alǵanın lap etip maqtap ańnan qaytqan kúnleri bolsa, men búgin úsh kiyikti atqa bastırıp usladım — dep awzın kópirtetuǵın edi («Ámiudár'ya» j.).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.