táwelle

Atlıq.

Ótinish, jalbarınıw, jalınıw. Jurttıń táwellesin tıńlamadı ol, Jigittiń alqımına bara saldı qol (I. Yusupov). Men ózim hesh qanday táwelle ayta almadım. Janazalarda táwelle turmay, awnap jılaǵan nasharlarǵa keyip taslar, quran oqıp atırǵanda bolsa hámmesin jıńq ettirmey qoyar edi. Men bul táwellelerge táwir jibisip, izimnen keliwińdi kútip júr edim. <<Usharımdı jel bilsin, qonarımdı say bilsin>> dep jón aldı qarabaraq ılaǵıp baratırsam da, ebindey sózi ótimsiz bayǵustıń táwellesine jibiskim kelmedi (M. Nızanov). Táwelle qılıw- qátere etiw, araǵa túsiw, jarastırıw. Jasawıl basınıń qoyına jambas salajaq qıyalıńdı qoyagór shıraǵım,- dedi táwelle qıldı (Q. Irmanov). Sırımbet araǵa kisi salıp, balanıń ákesine táwelle qılıp zorǵa degende dawdı bastı (Q. Ayımbetov).