táslim

Jan táslim etiw feyil.

1. Óliw, qaza tabıw, dúnyadan qaytıw. Janın táslim etedi. Jılap-jılap balaları, Basına belgi saladı (Jiyen jıraw). Óz ana jurtımda jan táslim etiwge keldim (M. Nızanov). Táslim bolıw- baǵınıw, boysınıw beriliw. Solayınsha bir neshe táǵdirlerdi qurban etken dawasız bir kesellik keyninde insaniyatqa táslim bolar edi (M. Nızanov). Ótemurat aǵa táslim bolǵan mánide kúlimsirep, tómen qaradı (M. Nızanov). Táslim bolmaw- baǵınbaw, boysınbaw. Táslim etiw- baǵındırıw, boysındırıw. Sasıq mazardıń tusında, Qalmaqlar táslim etedi (<<Er Ziywar>>). Kórgen adamdı táslim etti, Bunday jigit bolǵan emes (Berdaq).