samar

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-mar

Leksikalıq mánileri

Aǵashtan yamasa temirden islengen úlken tabaq. • Kún shuwaqqa shıǵarıp qoyǵan samardaǵı suwlı ishe berli (J. Aymurzaev). • Irıskul biy kuyashlamada tósek saldırıp, úlken samardı sapırıp qatıq iship atır edi (T. Qayıpbergenov). • Puwı burqıraǵan sarı samardaǵı jarmanı pashshayı zerenge quyıp Qosıbaydıń aldına qoydı (K. Sultanov). • Soń samar tabaqtay tóńkerilgen qarın kórindi (M. Nızanov). •  Kóp ótpey taydıń pisken eti salınǵan úlken qara samardı kótergen jigit kirdi (K. Kárimov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.