salǵırt

Qaraqalpaqsha (kaa)

Morfologiyalıq hám sintaksislik qásiyetleri

atlıq, sal-ǵırt

Leksikalıq mánileri

Salıq, tólem. • Xiywa xan qast etip, postı jurt qańǵıp, Malsız jarlılarǵa tústi kóp salǵırt, Uzını kelisken juwan bir arǵıt, Sanı júz sapasız taldan jaqsıraq (Berdaq). • Ózleri esapqa bermey júrgen otız mıńına salǵırtın salsa salsın (T. Qayıpbergenov). • Oǵan sebep birinshiden, Qulımbet biylikti alǵan soń qol astındaǵı alıs jatqa salǵırttı batıra salsa, ekinshiden, aldında jol salıp ketken ustazınan alǵan tálimi boyınsha ol da: «Aydos bolıp, xanǵa jaranaman» dep, biylik qamshısın shıyraq usladı (K. Sultanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.