salıq

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-lıq

Leksikalıq mánileri

1. Mámleket tárepinen ámeldegi nızamlar tiykarında yuridikalıq hám fizikalıq táreplerdiń dáramatı yamasa mal-múlkinen óndiriletuǵın hám byudjetke ótkiziletuǵın májbúriy tólem. • Bıltırǵıday bıyıl jaman, Qalay-qalay boldı zaman, Ǵárip-qáser qalmay aman, On tilladan keldi salıq (Berdaq). • Múshirip «Saqıw» awılınıń qırmanınan jıynaǵan dándi Xalmurat baydıń awılına jónetip, ózi salıqtıń qalǵanın óndirip baraman, - dep joldaslarınan qalıp qoydı (K. Sultanov).
2. Qárejetgi qaplaw, merekeni ótkeriw ushın járdem beriw maqsetinde kópshilikke bólingen tólem. • Ada bolmas bizge salıq saladı, Bardı, joqtı qoldan tartıp aladı («Qırq qız»). Salıq bolıw — uyatlı, qısınatuǵın is bolıw. • Kel endi, áziz qurdasım, Iǵbalıń bolǵay joldasıń, Giyne etse zamanlasıń, Júzińe ol salıq bolmas (I. Yusupov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.