ráwshan

Qaraqalpaqsha (kaa)

Morfologiyalıq hám sintaksislik qásiyetleri

kelbetlik, ráw-shan

Leksikalıq mánileri

1. Anıq, belgili, ashıq, jaqsı, jarıq, ayqın, nur, jaqtı, jaqtıraǵan, sham-shıraq. • Qara gúller boldı ráwshan, Tawıs yańlı jılwasınan (Ájiniyaz). Qara saqallı, jalpaq murınlı, ósik qasları astındaǵı úlken kózleri ele ráwshan jıltıraǵan, qızıl júzli Ayǵara biy esiginiń aldına shıǵıp, qundız qıstırǵıshlı malaqayın sheship, áste basın qasınıp tur edi (T.&nsbp;Qayıpbergenov). Keshe-kúndiz jolıńdaman sergizdan, Shıq maydanǵa kórset júziń — ráwshanıń, (I.&nsbp;Yusupov).

Turaqlı sóz dizbekleri

◆ Ómir ráwshanı — sáni, kelbeti, sını, jarasıǵı. • Bilemen: partiya — aqıl, hújdanım, Ómir ráwshanı, júregim, janım (X. Seytov). Baǵ ráwshanı — kórki, kórinisi, sımbatı, jaynawı. • Baǵ ráwshanı — júrgen jeri, Hasıl altın tergenleri (I. Yusupov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.