ráhim

Qaraqalpaqsha (kaa)

Morfologiyalıq hám sintaksislik qásiyetleri

atlıq, rá-him

Leksikalıq mánileri

Miyrim, ayanısh, miyirman, qayırqom, pármana, ǵamxor. • Kóz jasıńdı tógip kimnen ráhim sorap tursan? (K.Sultanov). Házir meniń tınısımnıń tar waǵı, Sen ráhim etpediń kózde jasıma (I.Yusupov). — Onı ráhim etińiz, mırza. Óltirmeń (A.Bekimbetov). Nárkás kirpiklerden tógilgen jasqa Xannıń ráhimi kelmedi hasla (I.Yusupov). ♦ Ráhim qılmaw — jaqsılıq etpew, miyrimi túspew. Aǵa begler, sırtım pútin, Ishim janıp boldı tútin, Asırıp zalım óziniń qáddin, Xesh bir ráhim qılǵan emes (Berdaq). Taqsır, ráhim qılıń, sabamań endi, Óytip qan jılatpań jas júregimdi (I.Ysupov). Ráhim salmaw — qayırxom bolmaw, qáwender etpew. Ólimdar bolǵan men sorta, ráhim salmastan, Ketken eken zalımdar, Jetim qızdı shırlatıp (Mójit ulı). Ráhim keliw — miyrimi túsiw. Kórseń ráhimiń (K.Dosanov). Ráhimi kelmew — miyirman bolmaw, qáwenderlik etpew, jawız, miyrimsiz. Bıraq onıń kóz jasına heshkimnıń ráhimi kelmedi — onı jatqarıp sabadı(S.Ayniy).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.