otaw I
Qaraqalpaqsha (kaa)
[redaktorlaw]
Qaraqalpaqsha (kaa)Morfologiyalıq hám sintaksislik qásiyetleri
[redaktorlaw]atlıq, o-taw
Leksikalıq mánileri
[redaktorlaw]Shiy menen qorshalıp, kiyiz benen jabılıp qoyılatuǵın kóshirip tigiliwge qolay aǵash úy, qara úy. • Tap usı waqıtta jigitlerdin qarsı aldındaǵı esigi túriwli otawdan qabaq arqalap bir náwshe qız shıqtı (K. Sultanov). Naǵıshlap juwap uramız, • Otaw saylap qoyıń qızlar (Omar). • Otawǵa qarap qaytadı («Jáhansha»). • Otaw sırtında kisnegen at Qutlıbek Eltirisxannıń oyların bólip, qulaǵın eleń etkizdi (K. Kárimov). • Otawǵa túsip qonaq boldı, qonaq asın jedi (K. Kárimov). • Ulbiyke kelgen soń kelindi otawdıń shep qaptalına kórpeshe tósetip, dús tómenine jatqızdı (M. Nızanov). • — Ullı Xorezmniń ullı xanı siziń qoyǵan shártlerińizǵe ılayıq, ózińiz otırǵan aq otawǵa meni kirip tur dese de boladı, kirmey tur dese de boladı (T. Qayıpbergenov). • Qulımbet qonaq ushın tigilgen otawda birer húrmetli qonaq bolsa awqatqa mirát etiwdi oylaǵan edi (K. Kárimov). • Aqsham jaǵalasam Qazaqdáryanı, Tıńdap aq otawdan shıqqan namanı (I. Yusupov).
Derekler
[redaktorlaw]- QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.