ot II

Qaraqalpaqsha (kaa)

Morfologiyalıq hám sintaksislik qásiyetleri

atlıq, ot

Leksikalıq mánileri

Shóp, mal jeytuǵın azıq. • Eshkini ot salmay bárha baylap qoya bergennen keyin jelini quwrap súti de azaya beredi (Q. Ayımbetov). • Bar, ana sıyır menen atka, qoyǵa ot orıp sal (A. Bekimbetov). Ot-jem — mal ushın arnalǵan hár túrli ot hám jem. • Ne ushın tuwatuǵın mallarǵa ot-jem berilip, basqalarına berilmeydi (J. Aymurzaev). • Atlarına ot-jem, ózlerine qımız beriwdi umıtpa (K. Kárimov). Ot- shóp — hár túrli mal otı, mal azıǵı. • Mallar ushın gúzge ot- shóp tayarlaw kerek (T. Qayıpbergenov). • Bir taw bar shay páshegi, Ot-shóbi mol hawası da salqın (Q. Ayımbetov). • Ot-shóp orıw, qora soǵıw jumısı da usılardıń moynında edi (K. Sultanov). • Jazda erte tuwılǵan bir baspaǵın satıp, ot-shóbin birewge tayarlatıp aldı da, gúzde taǵı mayda mallardı aqshaǵa ayırbaslap, qıs azıǵın jıynap, «japsaqlıman» dep dárwishtey, góne qaqıranıń ishinen shıqpaytuǵın edi (K. Sultanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.