otın

Qaraqalpaqsha (kaa)

Morfologiyalıq hám sintaksislik qásiyetleri

atlıq, o-tın

Leksikalıq mánileri

Jaǵıw ushın arnalǵan hár túrli aǵash, taqta, shaqa hám t.b. zatlar. • Túske shekem oqıp, tústen keyin usı Tilewmurat Qulımbetov ekewimiz eshekli otın tasıymız (J. Aymurzaev). • Kómir de emes. Ápiwayı aǵash otın (M. Nızanov). • Maldı tapqanǵa baqtır, otındı shapqanǵa jaqtır (qq.x.n.). • At ólse et, arba sınsa otın (qq.x.n.). • Ordıq oraq, shaptıq otın, qazdıq jap, Terdik masaq, iynimizge saldıq qap...(Kúnxoja). • Birjıńǵıldı súyrep, zorǵa degende meshittiń sırtqı qapısınan kirgizip, áywandaǵı otın qoyatuǵın múyeshke qoydım (Á. Shamuratov). • Áy aǵay kurortına áketpedi ǵoy, toǵayǵa otın arqalap baraman ba dep! (K. Raxmanov). • Otın tasıw kóbinese qıstıń kúni qıyın edi (M. Nızanov). — • Ballar, ana torańǵıldıń shaqaların putap taslań, bul úyge ele otın kóp kerek boladı, — deydi izinshe óziniń tıpırshıp júrgenin sezdirǵisi kelmey (M. Nızanov). • Otın bazar menen balıq bazarınıń ortası basıp turǵan dán bazarı qısqa bazar kúni bolsa da adamlar menen tolı eken (K. Kárimov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.