oshaq

Qaraqalpaqsha (kaa)

Morfologiyalıq hám sintaksislik qásiyetleri

atlıq, o-shaq

Leksikalıq mánileri

1. Ústine qazan asılatuǵın, ishine ot jaǵıp awqat pisiriw ushın arnalǵan zat. • Qazan oshaqtay túsirildi («Ámiwdárya» j.). • — Tap usı demde qazanda pisip atırǵan sút birden tasıp, qaqpaqtı kóterdi de, oshaqqa tóǵildi (T. Qayıpbergenov). • Keshte bir qızdırıp alamız da, oshaqshı topıraq penen kómip taslaymız (M. Nızanov). 2. awıs. Xojalıq, semya moynına oshaq túsiw. 3. awıs. Bir nárseniń toplanǵan jıynalǵan jeri. Úlken oshaqqa aylanıw. • Úsh putlıq oshaq - úsh ayaqlı temir oshaq. • Qazaq, ózbek, qaraqalpaq — úshewi, bir oshaqtıń úsh putınday awıllas (A. Dabılov). • Bilim oshaǵı — bilim orayı, bilim taralatuǵın jer, sawatlandıratuǵın orın. «Taza kúshte» mektep bilim oshaǵı, Jas áwladlar menen toldı (I. Yusupov). Jer oshaq — jerden qazıp islengen oshaq. Jer oshaqta ot pısqıp atır («Ámiwdár'ya» j.). Temir oshaq — úsh ayaqlı dóńgelek temirden islenǵen oshaq. Tandır oshaq — ılaydan tandırǵa usatıp islengen oshaq. Chay oshaq — quman, dúmshe qoyıp suw qaynatatuǵın oshaq.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.