nama

Atlıq

1. Qosıqtıń muzıkası, melodiyası, saz. • Qanday nama buyırsańız da aytıp bere alaman (Á. Shamuratov) . • Sazla, baqsı duwtarıńdı, «Jeti asırım» namasına (I.Yusupov).
2. awıs. Bosqa aytılǵan sóz, mázi gáp, bos gáp, bos sóz. ♦ Namaǵa salıw – a) qosıqtı bir nama menen aytıw. • Uyadaǵı boztorǵaylar shır-shır etip ushıp, aǵarıp atqan tańdı, bozarıp shıqqan kúndi qarsı alǵanday, kóterilip kókke ushıp shuw-shuw namaǵa salıp qosıq aytıwǵa kiristi («Qızıl muǵallim» jurnalı) . b) awıs. Birewdiń úyrenshikli ádetin qaytalawı.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.