maza

Qaraqalpaqsha (kaa)

Morfologiyalıq hám sintaksislik qásiyetleri

atlıq, ma-za

Leksikalıq mánileri

1. Dám, tatım. • Awızıma pal salsam bilinbes dámi, Hasla mazası joq bir záhár balam (A. Dabılov). • Azan menen tayınlanǵan sháwleniń Jumamurat barındaǵıday mazası bolmadı (T. Qayıpbergenov).
2. Payız, lázzet. • Háy, ananıń ızıńlısınan maza ketti ǵoy (Q. Dosanov).
3. Tınıshlıq, házlik. • Qızlardıń alıp mazasın, Hákeri taz tıǵıp basın, Jónli aydamay arbasın, Jolsız júrip ketken eken (Berdaq).

Turaqlı sóz dizbekleri

♦ Mazası qashıw – biyjaǵdaylanıw, keyipsizleniw, densawlıǵı kemiw, tınıshsızlanıw, kewilsizleniw, qapalanıw. • Kewlinde qapalıq, mazası qashıp (Á. Shamuratov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.