leb

Atlıq

1. Adamlardıń, janlı-janıwarlardıń ishinen shıǵatuǵın háwir, dem. Tómende awzınan shıqqan ıssı lebine qolın úplep Sáliyma tur eken (K. Sultanov). Tum-tustan kelgen xosh iyis penen Ayımjamaldıń ishten shıqqan ıssı lebi qosılıp, bedenimdi balqıttı (Ó. Xojaniyazov).

2. Awıs. Jaǵday, awhal, máni, sır. Túslik tárepten ebendey esip turǵan kúshsiz, jaǵımsız ıssı hawanıń lebi kelip tur (A. Bekimbetov). Sırtqa shıǵıw menen gúzdıń salqın lebi betime lıp ete qaldı (Sh. Seytov). Eritip lebi báhárdiń, Qıs qursaǵı bosandı (K. Sultanov).

3. Awıs. Háreket, qozǵalıs, baǵdar. Onıń kúlimsiregen qara kózlerinen álle bir quwanıshtıń lebi sezildi (Ó. Xojanov).