laplaw

Feyil

1. Ottıń tez janıwı, lawlawı, birden alısıp ketiwi. Ajırıq birden laplap ketti,... ("Jetkinshek" g). 2.Deneniń qızıwı, ısıwı, janıwı. Tula-boyım ot bolıp janıp laplap baratır (Ó. Xojaniyazov). 3.Qızarıp kóteriliwi, hallaslawı. Onıń kóz janarı masaladay lapladı (Ó. Xojaniyazov). 4. Awıs. Qozıwı kúsheyiwi. Sóyler jigit muhabbattan ot shashıp. Gáhiy laplap, gáhiy lawlap tutasıp (B. Ismaylov). 5. Awıs. Háwijleniw, rawajlaniw, alǵa basıw. Oń tuslikten Kopet tawdan, Qum sapırıp, Ottay laplap (I. Yusupov).