látte

Kelbetlik

1. Góne-kóksi shuberek, dasmal. Usı waqıtta esikten látte shapanǵa oranǵan orta boylı, qara jigit kirip keldi, ... (K.Sultanov). Kiyimiń látte edi, júziń páriyshan, Dúnya telmirgendey boldı tek saǵan (I.Yusupov).

2. Jaman, sasıq, unamsız, jaramsız, hesh nársege turmaytuǵın. Eskiliktiń látte tosqınlıqların birotala tamırınan julıp taslamasaq bolmaydı (J. Aymurzaev).

Látte pikir - jaman oy, jaramsız, qıyal. Kóp qorlapsań óz anańdı qastıń ba? Látte pikir uyalaǵan basıńda ("Ámiwdárya" j.).

Látte pám - oysız, pámsiz, adamgershiliksiz adam, pás adam. Sózdiń káninen gúl termegen, Bir látte pám nadan eken (A. Dabılov).