láshker

Atlıq

Dushpanǵa qarsı shıǵarıw ushın tayarlanǵan adamlar, kóp adamlardıń jıyıntıǵı, topar-topar adamlar, ásker, qol. Ózi láshkerlerdi baslap Iranǵa atlanıs jasadı (K.Sultanov). Láshkerlerin ertip patsha jolǵa rawana boldı ("Er Ziywar"). Kimge tiymes tayaǵı, Qoblan atlı batırǵa, Qırq mıń láshker qol barsa, Qırǵın bolar dep edi ("Qoblan").

Láshkerbası - áskerlerdi basqarıwshı, basqarıp barıwshı, jol baslawshı adam, kisi. Bir kúni patsha hámeldarları menen láshkerbasıların keńeske shaqırdı. Bunı esitken dushpannıń láshkerbasıları da... keyin qaytıwǵa tayarlıq kóre basladı.