kartina

Qaraqalpaqsha (kaa)

Morfologiyalıq hám sintaksislik qásiyetleri

atlıq, kar-ti-na

Leksikalıq mánileri

1. Túrli boyaw menen salınǵan súwret ónerine tán shıǵarma. • Bul tawardaǵı Aral teńiziniń kartinası... («Qız. qq». g.)
2. Kinofilm. • Bir kúni Jiyemurat ekewimiz tashawızlı joralarımız benen jańa qoyılıp kórsetilip atırǵan kartinanı kóriw ushın kinoteatrǵa bardıq (A.Bekimbetov).
3. Awıs. Ádebiy shıǵarmalarda bayan etilgen tábiyat kárinisleri menen geroylardıń súwreti, hádiyseniń sáwretleniwi berilgen, bayanlanǵan obraz. • Qaraqalpaq folklorında kóshpeli sharwashılıq turmıstıń kartinaları bar... (N.Dáwqaraev). • Ol óz poeziyasında zaman jaǵdayınıń shınlıq artinasın sheber bayanlap kórsete bilgen (Q.Ayımbetov).
4. Dramalıq shıǵarmalardaǵı aktlerdiń shaqapshaları, bólimsheleri. • Bul waqıya pyesanıń hárbir kartinasında sheberlenip berilgen («Qız. qq» g.).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.