kanal

Qaraqalpaqsha (kaa)

Morfologiyalıq hám sintaksislik qásiyetleri

atlıq, ka-nal

Leksikalıq mánileri

1. Dáryadan kishilew, ishinen suw aǵatuǵın qazılıp islengen úlken jap. • Volga-Don kanalı. • Qızketken kanalı. • Kanaldıń eki ernegine asılıp, taǵı órge qaray júzedi (J.Aymurzaev). • Qaraqalpaqlar kanallar qazdı (N.Dáwqaraev).
2. Tex. Hár túrli programmanı kórsetetuǵın televiziyalıq hám basqa da baylanıs liniyası.
3. Belgili bir maqsetke jetiw ushın qollanılatuǵın usıl, ádis. • Mámleket basshıları bir-biri menen diydarlasıp belgili bir másele jóninde óz-ara pikir alısıw ushın diplomatiyalıq kanallardan paydalanadı.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.