kábap
Qaraqalpaqsha (kaa)
[redaktorlaw]
Qaraqalpaqsha (kaa)Morfologiyalıq hám sintaksislik qásiyetleri
[redaktorlaw]atlıq, ká-bap
Leksikalıq mánileri
[redaktorlaw]1. Góshti maydalap temir iske dizip, qozda pisirilgen awqat, taǵam, shashlıq. • Kábapshı barlıq ıqlası menen maydalap tuwralǵan góshlerdi kábap islew ushın birme-bir iske dizip atır («QQ. kem. atl»). • Atıńa taqqanıń tillá sádepti, Xızmetińe tánde janım kábaptı (N.Dáwqaraev).
2. Shoqtıń háwirine pisirilgen gósh. • Tas tandırǵa jeti qoydıń góshin kábap pisirip, eshegine artıp zindanǵa kelip, atıp turdı («Alpamıs»). • Kiyiktiń etin parshalap, Jaqsılap kábap etedi («Qırq qız»). • Jolda atıp alǵan kiyigin kábap islep jep otırǵanda bayaǵı eki qız taǵı kelip úydiń bir qaptalında otıradı ( «QQ. x. e.»).
3. Awıs. Adamnıń ishki dúnyası, qayǵı-uwayımları, jábir-japaları. • At moynına taqtım tilládan sádep, Barshın ushın júrek-bawırım kábap (Alpamıs). • Atqa taqtı sádepti, Júrek-bawrım kábaptı («Máspatsha»). • Seniń ushın tánde janım kábaptı, Asıqpayın kóp eteyin tawaptı («Qırq qız»). Kábap bolıw - qayǵı shegiw, janıp-kúyiw, uwayım shegiw, qapa bolıw, qayǵıǵa ushıraw. • Kúyip bawırım kábap boldı, Táǵdir solay jazǵan eken (Berdaq). Tandır kábap - tandırǵa jawıp pisirilgen gósh.
Derekler
[redaktorlaw]- QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.