iyin

Qaraqalpaqsha (kaa)

Morfologiyalıq hám sintaksislik qásiyetleri

atlıq, i-yin

Leksikalıq mánileri

Qoldıń kebzeden shıqqan jeri, joqarı bólimi, adam moynınıń eki qaptalındaǵı múshesi. • Eki iyni qalpaqtay, Shamurat gúmpeyin iynine salıp sırtqa shıqtı (Q. Dosanov). ♦ Iyni keliw – qolayı keliw, payıtı keliw, istiń reti keliw. • Iyni kelip turıptı, men tilimdi tartpayın («Máspatsha»). Jan iynine ot túsiw – qıynalıw, janı shıǵıw, asıǵıw. • Hámme jerde jan iynine ot túsip islep atırǵan adamlar (Q. Irmanov). Eki iyninen dem alıw – qıynalıp dem alıw, awır dem alıw. • Sherip eki iyninen dem alıp, awırıwdıń hazarına shıday almay jatırǵan edi (Q. Irmanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.