eziw II
Qaraqalpaqsha (kaa)
[redaktorlaw]
Qaraqalpaqsha (kaa)Morfologiyalıq hám sintaksislik qásiyetleri
[redaktorlaw]feyil, e-ziw
Leksikalıq mánileri
[redaktorlaw]1. Qıynaw, azaplaw, jábirlew.• Sorlı ol ezip xalıqtı, Saldı hám nobay salıqtı (Berdaq).
2. Buwındırıw, tunshıqtırıw, qısıw, mıjıw. • Malǵa satıp alǵan náwshe qızlardı, Tunshıqtırıp ezgen sárwi nazlardı (S.Nurımbetov).
3. Maydalaw, usaqlaw, qıyqımlaw, untalaw, bóleklew. • Ortadaǵı tamnıń pátigine bekkemlengen baqannıń keń shuqırında
gúnjini ezip, mayın shıǵarıp tur (B.Bekniyazova).
4. Qattı nárseni suyıq nársege aylandırıw, mıjıw, sıǵıw, mıjǵılaw. • Dáweke bir kúni kóknarın ezip, chay iship yoshlanıp, otka taplanıp, qızara bórtip, paynekke qashıp otırǵanda bir oy sap
ete qaldı (Q.Ayımbetov).
5. awıs. Sóyley beriw, bir aytqanın qayta-qayta ayta beriw, kópiriw. • Qayta-qayta bir soraǵanın ezip, is buyırǵan adamnıń ózin sharshatadı (T.Qayıpbergenov).
Tumsıq eziw — urıw, uwqalaw. • Qara mushlar tumsıq ezip, Bul kúnińnen óziń bezip (J.Aymurzaev).
Júrek eziw — jábirleniw. • Jaslay juregimdi ezgen joqshılıq kóp waqıt maǵan joldas boldı (J.Aymurzaev).
Bawır eziw — azaplanıw. • Men joq edim, qıyanat bawırıńdı ezgende (T.Seytjanov).
Moyının eziw — alqımın qısıw, mıjıw. • Ezdim moyının iyzelep, Tıqtım qumǵa basların (T.Ábdiraman).
Derekler
[redaktorlaw]- QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.