ersi

Qaraqalpaqsha (kaa)

Morfologiyalıq hám sintaksislik qásiyetleri

kelbetlik, er-si

Leksikalıq mánileri

Qolaysız, jónsiz, orınsız, retsiz, turpayı. • Geypara oqıwshılarımızdıń bul, biz aytpay-aq kórip júrǵen ersi nárseleri ǵoy (Q. Ayımbetov). Biziń dáwirimizde burınǵısha atadan jekkemen dew házir ersi (Ó. Xojaniyazov).
Ersi kóriw — qolaysız kóriw, turpayı kóriw. • Biraq onı ersi kórdi me, pol saldırmadı (Q. Ayımbetov).
Ep-ersi — uyat, turpayı, qolaysız, jónsiz. • ...kelǵen qudalardıń ishinen birewi ep-ersi sózlerdi aytıp, qudaǵayın uyaltıp tasladı (K. Sultanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.