erlik

Qaraqalpaqsha (kaa)

Morfologiyalıq hám sintaksislik qásiyetleri

atlıq, er-lik

Leksikalıq mánileri

Batırlıq, júreklilik, batıllıq, ǵayratlılıq, hújdanlılıq, jigerlilik. • ...ya qorlıǵın, ya zorlıǵın, ya erligin kórip qaytayın («Máspatsha»). Jigitleri Sarkoptıń, Kórsete almadı erlikti («Qırq qız»). Erligi asıp, Ǵayratı tastı («Alpamıs»).
Erlik etiw — qaharmanlıq qılıw, jiǵerlilik etiw, adamgershilik islew. • Sóytip bular erlik etti, Boldı oylaǵan niyeti (Berdaq).
Erlik bayraq — qaharmanlıq penen payda bolǵan bayraq, jeńis. • Dúrsildesken júrekler tolqın, Kóteriler erlik bayraǵı (T. Seytjanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.