erkek
Qaraqalpaqsha (kaa)
[redaktorlaw]
Qaraqalpaqsha (kaa)Morfologiyalıq hám sintaksislik qásiyetleri
[redaktorlaw]atlıq, er-kek
Leksikalıq mánileri
[redaktorlaw]1. Er jınıslı adam, kisi. • ... bizlerdiń aldımızdan tórt erkek adam ushırastı... (Q. Ayımbetov).
2.Kúyew, bay, jubay, qostar, juptı. • Erkegi ashıwlansa hayalı
basıladı, hayalı ashıwlansa erkegi basıladı, — degen turmıstıń burınnan kiyatırǵan dástúri ǵoy, — dep kúlisti olar (Q. Ayımbetov).
3. Haywanatlardıń janlı- janıwarlardıń hám de jánliklerdiń tuqım shashatuǵın er jınıslıları• .... fermadaǵı barlıq erkek qozılardan urǵashı qozılardı óz
aldına ayırdı... (J. Seytnazarov).
4 Erkek geshir — geshirdiń qattı bolıp taramısqa aynalǵan túri. • ...atızdaǵı erkek geshirlerdi julıp tasladım, — dedi kempir (Q. Aralbaev).
5. Erkek dawıslı — hayaldıń dawısınıń erkek adamnıń dawısına usawı, iri dawıslı hayal-qızlardıń dawısı. • Erkek dawıslı, túr-túsi suwıq hayal (A. Bekimbetov).
6. Erkekke taylas — hayaldıń erkek adamǵa teń, barabar ekenligi, tay keliwi. • ... Sápiwranıń erkekke taylas mártligi Izbandı bir qolı menen baylaǵan... («EQ» g)
Derekler
[redaktorlaw]- QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.