eriw I

Qaraqalpaqsha (kaa)

Morfologiyalıq hám sintaksislik qásiyetleri

feyil, e-riw

Leksikalıq mánileri

Jibiw, balqıw, bosaw. • Qar erip, qızıl suw sarlap aqtı (K. Sultanov). Shınnan jolbarıs berildi, Jolbarıstıń denesi, Qorǵasın yańlı eridi («Máspatsha»).
Júregi eriw, bawırı eriw, ókpe eriw - jibisiw, bosasıw, juwasıw, balqıw. Sen jılasań meniń kewlim buzılar, Bawırım erip ash júregim sozılar (Q. Irmanov). Biraq, ókpem ketti erip, Jazda aljasıp jawǵan qarday (I. YUsupov). júregi erip, kewili bosasıp, kóz jasın sel etip jerge tókti, (A. Bekimbetov).
Egitilip eriw — kewili buzılıw, bosasıw, jibisiw. Nawqas qızdıń anası egitilip erigen sayın, qol haqını molıraq alıw ushın, boyın bánelep otırǵan kempir, ılaqtı esitken soń... (K. Sultanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.