em I

Qaraqalpaqsha (kaa)

Morfologiyalıq hám sintaksislik qásiyetleri

atlıq, em

Leksikalıq mánileri

1. Hár bir awırıwǵa qollanılatuǵın emlew xáreketi, emlew isi, ilajı. • Onda barǵannan keyin tájiriybeli vrach qánigeler keselimdi jaqsılap puqta tekserip, túrli emler isledi (A. Bekimbetov). — Balam, sen qızǵa ne em islep ediń? (qq.x.e.).
2. Awırıwdıń (dárttiń, keseldiń) ayıǵıwına, sawalıwına paydası tiyetuǵın nárse, dawa, shıpa. • Ádiraspandı qarapayım xalıq kóbinese em ushın paydalanadı, — dedi kempir (B. Kerbabaev).
3. awıs. Aytılǵan sózdiń, pikirdiń, islegen istiń tuwrı keliwi, basqalar tárepinen maqullanıwı, dál keliwi, istiń haqıyqat iske asıwı, jurtqa unawı, bir nárseniń kópshilikke unamlı bolıwı. • Yardıń kewli em boladı, Teniń soǵan baǵıshlı («Máspatsha»). Oq atıp kewlindi qılsa jaradar, Emi tek mergennin óz qolında bar (I. YUsupov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.