elshi

Qaraqalpaqsha (kaa)

Morfologiyalıq hám sintaksislik qásiyetleri

atlıq, el-shi

Leksikalıq mánileri

1. Mámleketler menen qatnas jasasıw minnetin (lawazımın) atqaratuǵın diplomatiyalıq wákil, posol, diplomat. • Mayskiy I.M. 1932—1943-jılları awqamnıń Angliyadaǵı elshisi boldı («EQ» g.).
2. gónergen sóz. Bir is jóninde eki kisiniń yamasa eki eldiń arasın pitimge keltiriw ushın júretuǵın adam. •  Elshi menen patshaǵa, Hesh waqıtta ólim joq edi («Er Ziywar»)... bul kiyatırǵan jalǵız atlı jolawshı ǵoy, mágar bolsa bul kiyatırǵan elshi shıǵar, keyininde kóp jıǵını bar shıǵar («Alpamıs»).
3. awıs. Bir nárseniń xabarshısı, jarshısı. •  Ellestirmek elshiden, jawlastırmaq jawshıdan (kk.x.n.m.).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.