eljirew

Qaraqalpaqsha (kaa)

Morfologiyalıq hám sintaksislik qásiyetleri

feyil, el-ji-rew

Leksikalıq mánileri

1.Idıraw, bosasıw, jibisiw, ıljıraw. • Eljireydi shúldirlegen tilime, Intıq bolıp saǵıyralıq túrime (K.Sultanov).
2. Eziliw, jenshiliw, ıljıraw. •  ...kóp qaynaǵanlıqtan qazandaǵı gósh eljirep ketipti (Q.Ayımbetov).
3.Júrek-bawırı eljirew — bosasıw, ıdıraw, jibisiw. • Awır turmıstı kórip júrek-bawırı eljirep, bizge reyimi kelip ketken edi (A.Bekimbetov).
4.Tula boyı eljirew— jibisiw, balqıw, ısıw. • Tula boyım eljirep, qıstıń qaqaman suwıǵın umıtqanday boldım (J.Aymurzaev).
5.Kewli eljirew — ıdıraw, buzılıw. • Meniń de balalıq kewlim eljireydi (J.Aymurzaev).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.