elek

Qaraqalpaqsha (kaa)

Morfologiyalıq hám sintaksislik qásiyetleri

atlıq, e-lek

Leksikalıq mánileri

1. Hár túrli nárselerdi eleytuǵın tordan islengen nárse, elgezer, elewish. • Elektiń mayda kózli tesiklerinen túsken superfosfattı óz aldına bólek qoydı (Q.Dosanov). Búlk-búlk etip búlkildep tur, un zavodtıń elegi (J.Aymurzaev).
2. awıs. Sınnan ótkeriw, kózden ótkeriw, saylaw, iriklew. • Kóp jıllar ilgeri bolǵan waqıyalardı oy eleginen ótkize basladı (Q.Ayımbetov). Qatarındı sınap elekke elep, Haqıyqıy is shının kórset palwan qız (J.Aymurzaev).
Aspan elegi — awıs. • Kúnniń sebelep jawa baslawı, jawınnıń, burshaqgıń sebelewi, kúnniń quyıwı. Sońınan aspan elegi shashıratıp sebeley baslaǵan burshaq betime sabalap kem-kem údey basladı (K.Smamutov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.