ah

Qaraqalpaqsha (kaa)

Morfologiyalıq hám sintaksislik qásiyetleri

tańlanıw sózi (t.s.), ah

Leksikalıq mánileri

Gúrsiniw, tańlanıw, ájeptáwir bolıw. • Ol áyelgi kúnleri, ah-uh dep awır gúrsinip júrdi (J. Ayımurzaev). Skamyaǵa barsam jaqın, Esittim ashıqlardıń «ahın» (I. Yusupov). Ax-dúnya-ay qalay-qalay zaman boldı (B. Bekniyazova).

Turaqlı birikpeler

• Ah urıw — ǵam shegiw, qayǵı jew, gúrsiniw, zarlanıw. • Tek sen ushın ah uradı júregim. Sen degende qan qaqsydı súyegim (Á. Shamuratov). Ah ursa jiteme bendeniniń dadı. Bul dúnyaga shıqqanımnan ne payda (Omar).
• Ah shegiw — qayǵılanıw, qayǵı shegiw, azap kóriw, qıynalanıw, japa shegiw. • Ah shegip baǵrın sókmeg'ech, kózinen jasın tókpegen (Ájiniyaz).
• Ahıw-zar — ıntıq, zar qayǵı, hásiret, intizar, zar-giryan. • Qádirdanım meniń shın ahıw-zarım, Ekeyimizdi qosar kúnler barmeken (kk.x.k.).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.