abıray
Qaraqalpaqsha (kaa)
[redaktorlaw]
Qaraqalpaqsha (kaa)Morfologiyalıq hám sintaksislik qásiyetleri
[redaktorlaw]abıray, atlıq
Leksikalıq mánileri
[redaktorlaw]1. Ataq, dank, mártebe. Kolxozshılar arasında, rayon aldında iskerlik kútá abıray (Q.Dosanov). 2. Adamgershilik, qádir-qımbat, uyat. Adam bolsań abıray izle, Otırar ornıńdı gózle, Tillerińdi tartıp sóyle, Almań, - dedi Aydos baba (Berdaq). 3. Ele de, ońlı, jaqsı, qolay, durıs, sátli, kewildegidey. Abıray, tayaq jegen balanıń denesine daq túspegen eken (Q. Ayımbetov). Shertip qalmaq ketti páreń, Ákeń seniń Eset gereń, Bolıs bolsań adam jer eń, abıray aqsaqal bolǵanıń (Berdaq). Abıray barda - qádirli waqıtta, erterek, waqtında, aldın alıp, kún burın, gójeni tógip almastan burın. Qamshı basıp atına, Burılmastan artına, Abıray barda awılǵa, Atınıń basın buradı (Berdaq). Telefonnıń trubkasın usı abırayımnıń barında jıllı ornına aparıp koydım (Ó.Ayjanov). Abıray tógiw - qádirin ketiriw, abırayın qashırıw, baxasın túsiriw, abıraysızlanıw, qádirsizleniw. At suwıtıp jetkende, abıraydı tóktiń be? («Qırq qız»). Awzın uraday ashqanı, Abırayınıń qashqanı (Berdaq). Abıray-ataq - adamgershilik, qádir-qımbat
Derekler
[redaktorlaw]- QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.