Teatr

Atlıq.

1. Dramalıq shıǵarmalardı saxnada oynaw kórkem óneri.
2. Operalıq, dramalıq shıǵarmalar qoyılatuǵın orın, jay.
3. Dramalıq shıǵarmalardıń jıynaǵı, spektakl. Balet teatr- shıǵarmanıń mazmunı muzikalı xareografiyalıq obrazlar arqalı beriletuǵın teatr. Bul Moyseev basqaratuǵın xalıq oyınshılar ansambli emes, shın mánidegi balet teatrı ( gazetadan). Drama teatrı- dramalıq shıǵarmalardı saxnada kórsetetuǵın teatr. Ózbek milliy akademiyalıq drama teatrı - ózbekstanda jańa saxna óneriniń qáliplesiwi hám rawajlanıwına kárwanbasılıq etken teatr jámáátı eń eski teatrlardan (Internet maǵlıwmatları). Quwırshaq teatrı- quwırshaq penen oynalatuǵın balalarǵa arnalǵan teatr. Nókis qalası hám rayonlıq mádeniyat bólimleriniń háwesker xalıq teatrı jámáátleri hám quwırshaq teatr jámáátleri arasında Respublikalıq tańlaw bolıp ótti. Quwırshaq teatrları arasındaǵı tańlawda bolsa, Nókis qalasındaǵı úlgili balalar, Tórtkúl rayonındaǵı <<Bolajan>> hám Qaraózek rayonındaǵı quwırshaq teatrları jámáátleri 1-2-3-orınlardı iyelewge miyasar boldı ( A. Orazov). Opera teatr- operalıq qosıqlardı atqaratuǵın teatr. 1918-jıldan Tashkentte orıs opera teatrı óz iskerligin baslaǵan (Internet maǵlıwmatları).