Taw

Atlıq

Aynalasındaǵı jerden kóterińki, biyiklik, oǵada biyik taslı jer. Tawdı, tastı jel buzar, Adamzattı sóz buzar («Qq. x. n.»). Taw tawǵa qosılmas, Adam adamǵa qosılar («Qq. x. n.»). Biz tiymesek qutı keter óziniń, Birikkenniń taw jıqqanday kúshi bar (Q. Irmanov). ♦ Taw teke – jabayı eshkiniń erkegi. Janar taw – vulkan. Tawın jazdırmaw – pátin páseńletpew. Tawı qaytıw – beti qaytıw, dińkesi qurıw. Tawı shaǵılıw – beti qaytıw, deminen túsiw, páti qaytıw. Tawına qaray túlkisi – tawlı jerdegi jasaytuǵın túlkilerdiń jaǵdayı, turmısı. Tawına qaray túlkisi, Zamanına qaray kúlkisi («Qq. x. n.»).